Shoqata “Sharri” shkëlqeu me valle madhështore në Amirswil (TG)
Të shtunën, më 09 nëntor në Pentorama të Amirswillit u organizua Festivali i Sopa – World Soup – projekt ky i Zyrës së Integrimit në Amriswil.
Në ketë festival po merrnin pjese 16 shoqata kulturore të ndryshme nga e gjithë bota dhe ishte një mbrëmje ku pervec një programi të larmishëm kërcimi dhe muzike kishte edhe Supa dhe ushqime tradicionale të komuniteteve qe prezentonin ushqimet tradicionale prej vendeve se nga vinin.
Në këtë Festival, ku salla ishte e stërmbushur me mysafir nga të gjitha komunitetet të binin në sy dy tenda me flamurin Kuq e zi dhe ai i Kosovës.
Ky Festival është një projekt i zyrës së integrimit të qytetit të Amriswil e që ju ofron shoqatave të huaja në veçanti ju jep një mundësi për të prezantuar aktivitetet e komuniteteve dhe kulturën e tyre.
Ky Festival po mbante një moto që tingëllonte se ishte një organizim që i bën emigrantët të ndihen si në shtëpinë e tyre.
Në këtë Festival po merrte pjesë edhe shoqata që së shpejti siç mësuam po bëhej 17 vjeçe, shoqata kulturore artistike “Sharri” ku grupmosha të ndryshme performuan në podiumin e madh dhe shkëlqyen me vallet tona tradicionale dhe u duartrokitën si asnjë grup i valltarëve që po merrnin pjesë në këtë festival.
Ne mbuluam këtë festival dhe na u dha edhe mundësia ti kemi në mikrofonin e albradios e edhe zhvilluam disa intervista spontane. Në reportazhën e përgaditur do të mund të dëgjoni impresionet nga ish Kryetari i Shoaqtes “Sharri” z. Nagip Memedi, Koreografin Kreshnik Sadikaj, një mysafire e Festivalit znj. Fedie Elshani, sekretaren e shoqates “Sharri” znj. Igballe Krasniqi, një vullnetare dhe valltare në shoqaten “Sharri” znj. Rabie Alia, Kryetarin e shoqates z. Fatmir Qazimi dhe z. Zekirja Aliu.
Mikpritja vëllazërore dhe e ngrohtë e aktivistëve të SHK “Sharri” na la përshtypje të jashtzakonshme.
Ngjarja në Pentorama ka një rol të rëndësishëm social. Sepse kjo ju mundëson njerëzve nga të gjitha sferat e jetës që të kenë një mbrëmje me cilësi të lartë kulturore.
Ne gjithashtu ju ftojmë që të shtunën me 16 nëntorë 2024 ti bashkoheni thirrjes së Shoqates që kanë pregaditur program special për nder të festës sonë të Flamurit në Pentorama të Amirswillit.
Per me shume informata ju mund të informoheni permes rrjeteve sociale ose webfaqes: shoqatasharri.ch/
Ju ftojmë ta dëgjoni reportazhën e përgaditur që do të emitohet sot (e diel 10.11.2024) ose ta dëgjoni në çdo kohë te linku: https://www.albradio.ch/audio (10.11.2024 – Reportazha SHK Sharri).
/albradio/
