Edhe një sukses i ri
Tash që po i afrohemi fundit të vitit 2024, Albradio është krenare të njoftojë një arritje të jashtëzakonshme në numrin e shkarkimeve të aplikacionit të tij nga platformat iOS dhe Android.
Me gjithsej 15’917 instalime (9,570 nga iOS dhe 6,349 nga Android) që nga 1 Janari 2024 deri më 25 Dhjetor 2024 dhe ky është një moment krenarie për ne dhe një dëshmi e punës sonë të palodhur.Kjo shifër e lartë e shkarkimeve tregon se Albradio po rritet dhe po fiton popullaritet në mbarë botën, me Zvicrën që kryeson këtë trend.
Një rritje e madhe në shkarrkimin e aplikacionitTë dhënat tregojnë një rritje të konsiderueshme në numrin e instalimeve krahasuar me vitin 2023, kur aplikacioni kishte 5,118 instalime dhe 154 deinstalime.
Në vitin 2024, kemi parë një rënie të numrit të deinstalimeve në 83, duke treguar se përdoruesit tanë janë më të kënaqur me shërbimet që ofrojmë. Këto statistika janë një reflektim i përkushtimit tonë për të siguruar një përvojë të shkëlqyer për përdoruesit tanë.
Statistikat në kohë reale janë gjithashtu impresionuese: brenda 30 minutave, aplikacionin e Albradio e përdorin 1,290 persona. Këto shifra nuk përfshijnë madje as përdoruesit që dëgjojnë Albradio nëpërmjet automjeteve me teknologjinë DAB+, e cila është një mënyrë e njohur dhe e preferuar për të dëgjuar radio në lëvizje. Sipas formulave standarde që përdoren nga stacionet e tjera, 1 përdorues online përkthehet në 3 marrës të sinjalit DAB+, që do të thotë se Albradio dëgjohet nga 135,000 njerëz në të gjithë botën çdo 24 orë.
Një mundësi e jashtzakonshme për albradion nga Applestore
Një tjetër arritje e rëndësishme është që Apple Store na ka ofruar një kupon për të marrë pjesë në një program të veçantë ku na është vlerësuar aplikacioni ynë. Ky program ka për qëllim vlerësimin e aplikacioneve që instalohen në mënyrë masive dhe analizon faktorë të tillë si deinstalimi dhe rëniet e sistemit (crash). Kjo është një mundësi e shkëlqyer për të përmirësuar aplikacionin tonë dhe për të ofruar një përvojë edhe më të mirë për përdoruesit.Infrastrukturë e fortë e programimitInfrastruktura e aplikacionit Albradio mirëmbahen nga dy kompani të specializuara në fushën e IT-së: SmartScout IT Solutions GmbH në Zvicër dhe Musaj GmbH në Prishtinë, Kosovë. Këto kompani punojnë ngushtë për të siguruar që aplikacioni të funksionojë pa probleme dhe të ofrojë një përvojë të shkëlqyer për përdoruesit tanë.
Numri i jashtëzakonshëm i shkarkimeve dhe përdoruesve aktivë është një dëshmi e suksesit dhe përkushtimit tonë për të ofruar një shërbim të shkëlqyer. Këto statistika janë më shumë se thjesht numra; ato përfaqësojnë një komunitet të rritur të dëgjuesve që e duan Albradio dhe që na inkurajojnë të vazhdojmë të ofrojmë përmbajtje cilësore. Ne jemi të emocionuar për të ardhmen dhe presim me padurim që të vazhdojmë të rritemi dhe të përmirësohemi për të mirën e dëgjuesve tanë.
Faleminderit të gjithëve për mbështetje!
/Albradio.ch, 27.12.2024/
