Kompania ajrore GP AVIATION dhe touroperatori më i madh shqiptar Prishtina Ticket sot, më 24 qershor 2024, realizuan me sukses fluturimin e parë në linjën Prishtinë-Zürich-Prishtinë.
Me këtë rast, GP AVIATION dhe Prishtina Ticket shënojnë një sukses tjetër të madh duke hapur një mundësi më shumë për të gjithë bashkatdhetarët shqiptar dhe të interesuarit e tjerë të udhëtojnë në këtë destinacion me çmime konkurruese.
Aeroporti i Zürich-ut (Flughafen Zürich) është më i madhi në Zvicër dhe është një nga qendrat më të rëndësishme të transportit ajror në Evropë. Aeroporti ndodhet rreth 13 kilomentra në veri të qendrës së qytetit të Zürich-ut dhe ofron një gamë të gjerë të shërbimeve dhe mundësive për udhëtarët.
Fluturimi i parë nga GP AVIATION dhe Prishtina Ticket u mirëprit nga të gjithë pasagjerët. Kjo linjë e re ajrore ofron një lidhje të shpejtë dhe të rehatshme midis Prishtinës dhe Zürich-ut si një destinacion kyç për diasporën tonë, biznesin dhe turizmin.
Në destinacionin Zürich-Prishtinë do të organizohen fluturime çdo ditë, ndërsa nga 3 Korriku do të fillojnë fluturimet në destinacionin: Genève – Prishtinë çdo të mërkurë, të premte dhe të diele.
16 destinacione direkt nga Prishtina dhe anasjelltas
GP Aviation dhe Prishtina Ticket realizojnë me sukses fluturime nga Prishtina për Basel, Zürich, Geneva, Stuttgart, München, Düsseldorg, Hannover, Münster Osnabrück, Nürnberg, Berlin, Memmingen, Hamburg, Ljubljana, Halmstad, Växjö, Luxemburg dhe anasjelltas.
Si ta rezervoni biletën tuaj?
Biletat mund ti rezervoni online duke hapur faqen www.prishtinaticket.net, ku mund të caktoni kohën e saktë të udhëtimit tuaj me çmime ekonomike. Në çmim të biletës përfshihen FALAS rezervim i ulëses, check in, bagazh dore dhe bagazh deri në 20 kg.
