Inaugurohet shtatorja e Skënderbeut në Piana degli Albanesi
Sot (e Premte 30.08.2024) në Piana degli Albanesi (Siçili-Itali) në prani të një numri të shumtë mërgimtarësh nga të gjitha trojet etnike dhe mbas një manifestimi madhështor u bë inaugurimi i shtatores së Gjergj Kastriotit Skënderbeut.
Kjo vepër madhështore e punuar nga skulptori Gëzim Muriqi është vendosur sot në qëndër të qytetit dhe është një dhuratë e shoqatës “Hora e Skëndërbeut” për Arbëreshët e Horës në shenjë mirënjohje për ruajtjen e traditës dhe kulturës shqipe, por edhe kontributin që kanë dhënë Arbëreshet e Italisë për Kosovën gjatë luftës.
Bashkë me shumë të pranishëm në këtë inagurim mori pjesë edhe Lulzim Jashari djali i komandantit legjendar Adem Jashari.
Gjithashtu të pranishëm ishin edhe grupet artistike “Shota” dhe “Bashkimi” nga Zvicra.
A.Z. / Albradio / Foto Rexhep Rifati
