Lokacioni yt

Në kuadër të 8️⃣0️⃣-Vjetorit të Çlirimit të Shqipërisë, Ambasada e Republikës së Shqipërisë në Bernë ka kënaqësinë të njoftojë organizimin e një seri aktivitetesh të rëndësishme kulturore që nderojnë këtë përvjetor historik.

🎬 𝟐 𝐍ë𝐧𝐭𝐨𝐫 𝟐𝟎𝟐𝟒 – 𝐋𝐨𝐳𝐚𝐧ë Në bashkëpunim me Shoqatën “Albania Swiss Event”, drejtuar nga Znj. Aina Hoti, do të shfaqet filmi ikonik shqiptar Tomka dhe Shokët e Tij. Ky film i dashur për breza të tërë, do të jetë një mundësi e mrekullueshme për të risjellë në vëmendje shpirtin e rezistencës dhe të bashkimit kombëtar.

🎬 𝟔 𝐍ë𝐧𝐭𝐨𝐫 𝟐𝟎𝟐𝟒 – 𝐙𝐲𝐫𝐢𝐡 Në bashkëpunim me Bibliotekën “PBZ Hardau” dhe Shkollat Shqipe në Zvicër, do të shfaqet filmi legjendar Nëntori i Dytë. Me mbështetjen e Znj. Suela Jorgaqi, Ambasadorja e Kombit dhe Drejtuese e PBZ, si dhe Profesorit Z.Vaxhid Sejdiut, një ndër kontribuuesit më të rëndësishëm të mësimit të gjuhës shqipe në Zvicër, ky aktivitet do të sjellë një reflektim të thellë mbi luftën për liri dhe pavarësi.

🎬 𝟏𝟕 𝐃𝐡𝐣𝐞𝐭𝐨𝐫 𝟐𝟎𝟐𝟒 – 𝐁𝐞𝐫𝐧ë Ambasada do të organizojë shfaqjen e filmit të dashur për fëmijë Mimoza Llastica, në bashkëpunim me Bibliotekën “Kornhaus” dhe Znj. Brikela Andrea. Ky film do të sjellë gëzim dhe nostalgji për më të vegjlit dhe të rriturit njëkohësisht.

📜 𝐄𝐤𝐬𝐩𝐨𝐳𝐢𝐭ë 𝐇𝐢𝐬𝐭𝐨𝐫𝐢𝐤𝐞: Gjatë këtyre aktiviteteve, do të prezantohet një ekspozitë që do të përqendrohet në momentet kyçe të historisë së Çlirimit të Shqipërisë, duke theksuar figurat dhe ngjarjet e mëdha të asaj periudhe të lavdishme.

Ejani dhe bëhuni pjesë e këtyre aktiviteteve të veçanta që nderojnë historinë dhe kulturën tonë!