Të shtunën promovohet libri “Si e zbuluam Zvicrën duke ecur”
Të shtunën më 14 shtator në Cyrih promovohet libri i autorëve Enver Robelli dhe Omer Xhemali me titullin: “Si e zbuluam Zvicrën duke ecur” ku nuk pasqyrohen vetëm shtegtimet nëpër alpet e Zvicrës por është një udhëpërshkrim i ecjeve disa vjeçare të dy autorëve dhe përmbanë histori të Zvicrës, të miteve, të legjendave dhe e zhvillimeve ekonomike dhe politike e gjithashtu edhe të shumë aspekteve të tjera.
Omer Xhemali, është drejtor i Klinikës së Kardiokirurgjisë në Spitalin Universitar në Zürich, ndërsa Enver Robelli është emër i njohur i gazetarisë dhe letërsisë shqipe.
Promovimi i librit do të bëhet të shtunën, më 14 shtator, prej orës 14:00, në SOHO, Events Location, Hardstrasse 260 në Zürich.
Të mirëpritur janë të gjithë adhuruesit e librit.
