“Teach For Kosova” në bashkëpunim me Konsullatën e RKS në Cyrih ftesë për takim informues
Organizata Teach For Kosova në bashkëpunim me Konsullatën e Republikës së Kosovës në Cyrih, ju fton në një takim informues për të ofruar mundësi të reja për studentët (absolventët) dhe të diplomuarit nga Diaspora që të bashkohen me programin e Fellowship-it të Teach For Kosova për një vit.
Takimi do të mbahet më: Data: 23 nëntor 2024
Ora: 12:00 – 13:00, në Konsullatën e Republikës së Kosovës në Cyrih, Eugen-Huber-Strasse 19a, Zürich
Gjatë këtij takimi, do të diskutohen temat:
- Prezanti i Programit të Fellowship-it
Do të paraqesim një pasqyrë të detajuar të programit, duke theksuar qëllimet dhe mundësitë që ofron për ata që dëshirojnë të kontribuojnë për një ndryshim pozitiv në sistemin arsimor dhe të zhvillohen profesionalisht. - Përfitimet e Fellowship-it
Studentët do të njihen me avantazhet e pjesëmarrjes, përfshirë trajnime intenzive, mbështetje të vazhdueshme gjatë gjithë programit dhe qasje në një rrjet të alumnive që ofron mundësi për rrjetëzim të avancuar. - Rrjeti Global i Teach For All
Njohja me rrjetin ndërkombëtar Teach For All, duke përfshirë mundësitë për shkëmbim përvojash dhe bashkëpunime me organizata të ngjashme nga e gjithë Evropa. - Sesioni i Pyetjeve dhe Përgjigjeve
Në përfundim, do të zhvillohet një sesion interaktiv për t’iu përgjigjur pyetjeve në lidhje me aplikimin dhe pjesëmarrjen në program.
Numri i pjesëmarrësve është i kufizuar në 25 persona gjithsej. Ju lutemi të konfirmoni pjesëmarrjen tuaj deri më 22 nëntor 2024 në e-mailin: [email protected]
Faleminderit për bashkëpunimin tuaj dhe mezi presim të takohemi së bashku për një diskutim të frytshëm dhe informativ.
Konsullata e Republikës së Kosovës në Cyrih
