Lokacioni yt

Kam lindur në vitin 1975 në Gjilan dhe që nga fillimet e mia, kam pasur një përkushtim të fortë ndaj punës dhe besoj se çdo detaj është i rëndësishëm për të arritur suksesin.
Si themelues dhe udhëheqës në stacionin e radios, angazhohem që çdo aspekt dhe detaj të funksionojë sa më mirë të jetë e mundur, me qëllimin për të ofruar një përvojë të pasur muzikore dhe informacione interesante për dëgjuesit e Albradios.

Jam me fat që më ka rastisur të jem në momentin e duhur dhe në vendin e duhur kur kam vendosur të marr përsipër themelimin e radios së parë shqipe jashtë atdheut tonë amë dhe për ta licensuar nga shteti Zvicerian.
Kjo ka qenë një përvojë e jashtëzakonshme që më ka mundësuar të kontribuoj në forcimin dhe lidhjen e shqiptarëve me trashigiminë, kulturën dhe muzikën.
Muzika është shpirti i jetës, është ushqim shpirtëror dhe unë besoj se çdo melodi ka një histori për të treguar dhe një emocion për të ndarë.

Muzika ime e preferuar përfshin të gjitha zhanret, dhe përpiqem gjithmonë të jam një hap me tendencat e reja.
Një nga pasionet e mia është turizmi dhe udhëtimet me motor, që më japin mundësinë të eksploroj dhe të krijoj kujtime të bukura.
Çdo udhëtim është një aventurë, dhe çdo natë nën yje është një mundësi për të reflektuar mbi gjërat e mrekullueshme që na rrethojnë.

Me një dëshirë për të sjellë përmbajtje të freskët dhe emocionuese për dëgjuesit shqiptarë në diasporë, shpresoj të vazhdoj të kontribuoj për Albradion dhe të ndihmoj në zhvillimin e saj në të ardhmen.
Albradio më ka rritur krenarinë dhe më ka dhuruar momentet më të bukura që na i ofron jeta!

Mail: [email protected]