“Vera me Radio Kosovën” edhe në Albradio
Radio Kosova edhe më afër bashkatdhetarëve.
Programi special veror i kanalit të parë të Radio Kosovës që do të nisë të hënën, më 15 korrik, do të transmetohet drejtpërdrejt edhe në valet e radios së parë shqiptare me frekuencë nacionale në Zvicër, Albradio, që transmeton program në rrjetin tokësor digjital të Zvicrës.
Ky hap konfirmon përkushtimin për vazhdimin dhe thellimin e bashkëpunimit, në frymën e marrëveshjes së nënshkruar mes dy radiove në maj të 2023-ës, me qëllim të krijimit të mundësive shtesë për bashkatdhetarët për të qenë më afër vendlindjes përmes qasjes më të lehtë në programet e Radio Kosovës të karakterit informativ, kulturor, edukativ dhe argëtues.
Kjo marrëveshje ka rëndësi të veçantë sidomos për gjeneratat e reja të shqiptarëve që jetojnë në Zvicër, me qëllim të pengimit të asimilimit përkatësisht ruajtës së gjuhës, traditës dhe kulturës shqiptare.
Numri për tu lidhur direkt me Studion e RTK-së:
+383 44 432 432
derisa mesazhet mund ti dërgoni edhe në numrin e albradios në Zvicër:
+41 79 554 88 88
